Excuse me can you tell me where this address is? నడుచుకుంటూ వెళ్తున్నదల్ల తిరిగి చూసింది దివ్య. ఒకడు పేపర్ చూపించి అడ్రస్ అడుగుతున్నాడు. అది ఇంటర్వ్యూ కాల్ లెటర్. ఇంతలో వెనక నుంచి ఏరా అడ్రస్ తెలుసా తనకి అని అతని ఫ్రెండ్ అరిచాడు. దివ్య, ఎదురుగా ఉన్న బిల్డింగ్ చూపించి ఆ బిల్డింగే అంది. అతను వాళ్ళ ఫ్రెండ్ తో అదే బిల్డింగ్ అంట నేను నడిచి వెళ్తాను నువ్వు వెళ్ళిపో అని ఫాస్ట్ గా నడుస్తూ దివ్య దగ్గరకి వచ్చి థాంక్స్ అండి మీరూ తెలుగు వాళ్ళా అని అడిగాడు. దివ్య దానికి కాదు పంజాబీ ని తెలుగు మాట్లాడుతున్నాను అంది. అతను గుడ్ జోక్ అని నవ్వి నా పేరు అఖిల్ మాది హైదరాబాద్ మరి మీరు అన్నాడు అతని వైపు నీకెందుకురా అనే ఒక లుక్ ఇచ్చి అతను వెళ్ళాల్సిన బిల్డింగ్ లోపలకి వెళ్ళింది. అతను మళ్ళీ మీరు ఇంటర్వ్యూ కేనా అని ఆమె వెంటబడ్డాడు. ఆమె ఏమి చెప్పకుండా సెక్యూరిటీ దగ్గర కాల్ లెటర్ చూపించి రిజిస్టర్లో సైన్ చేసి లోపలకి వెళ్ళింది. అతను రిజిస్టర్ లో సైన్ చేసేటప్పుడు పేరు చూశాడు దివ్య బాగుంది పేరు అనుకుని చేసి లోపలకి వెళ్లి రిసెప్షన్లో ఇంటర్వ్యూ జరిగే ఫ్లోర్ తెలుసుకుని వెళ్ళాడు. అక్కడ చాలామంది ఉన్నారు. అతను దివ్య కోసం చూసాడు కానీ ఆమె కనిపించలేదు. సరే అని ఒక సీట్ లో కూర్చున్నాడు. exam జరిగి తరువాత ఫస్ట్ రౌండ్ ఇంటర్వ్యూ అయ్యేసరికి మధ్యాహ్నం ఒకటి అయ్యింది. ఇంటర్వ్యూ కోఆర్డినేటర్ అందరకి మీల్ కూపన్స్ ఇచ్చి కాంటీన్ కి వెళ్లి లంచ్ చేసి రండి ఈ లోపు ఫస్ట్ రౌండ్ రిజల్ట్స్ చెప్తాము అన్నాడు. అందరు కాంటీన్ కి వెళ్ళారు. దివ్య కాంటీన్ కి వెళ్ళగానే అఖిల్ ఫుడ్ తీసుకుంటూ కనిపించాడు. బాబోయి ఈ సోదిగాడు ఇక్కడే ఉన్నాడు అనుకుని తరువాత రావొచ్చు అని వెనక్కి తిరిగేసరికి తన పక్కన కూర్చుని exam రాసిన సుహాసిని కనిపించి ఏంటి వెళ్ళిపోతున్నావు అయిపోయిందా భోజనం అని అడిగింది. దివ్య లేదు ఒక్కదాన్నే తినబుద్ది కాలేదు అంది. అయితే నేను ఉన్నాగా పద అని తీసుకెళ్ళింది.ఇద్దరు వాళ్లకావలసినవి తీసుకుని ఒక ఖాళీ టేబుల్ లో కూర్చున్నారు. ఇంతలో ప్లేట్ తీసుకుని అఖిల్ కూడా వచ్చి అదే టేబుల్ లో కూర్చుని హాయ్ దివ్య మీరు ఇక్కడ ఉన్నారా పొద్దునుంచి మీ కోసం వెతుకుతున్నాను అన్నాడు. దివ్య, ఎందుకు? అని అడిగింది ఎందుకేంటండి మనం మనం తెలుగు వాళ్ళము ఊరు కానీ ఊరు వచ్చాము పలకరించుకోపోతే ఎలా అన్నాడు. ఏమి నష్టం లేదు మీ పని మీరు చూసుకోండి అంది దివ్య. దానికి అతడు ఫీల్ అయినట్టు ఫేస్ పెట్టాడు . అతన్ని సుహాసిని ఓ మీరు తెలుగు వాళ్ళా, గుడ్ నా పేరు సుహాసిని మాది ఖమ్మం మరి మీరు అంది. అతను నవ్వి నా పేరు అఖిల్ మాది హైదరాబాద్. ఎప్పుడొచ్చారు బెంగుళూరుకి?ఎక్కడ ఉంటున్నారు అని అడిగాడు. సుహాసిని ఏదో చెప్పేలోపలే దివ్య అవన్నీ మీకెందుకు బుద్దిగా తిని మీ సంగతి మీరు చూసుకోండి అని సుహాసిని చేయి పట్టుకుని రా అని తీసుకెళ్ళింది. సుహాసిని ఏమి అయ్యింది అని అడిగింది అంత కోపంగా లాక్కోచ్చావు అంది. తమరి బొంద అయ్యింది. ముక్కు మొహం తెలియనోడికి అన్ని వివరాలు చెప్పేస్తావా? ఏది అయిన జరిగితే అంది. దానికి సుహాసిని అతను అలా లేడే మంచోడులాగా ఉన్నాడు అంది. కొంపలు ముంచేవాళ్ళంతా ఇలానే ఉంటారు. అయిన అంత అమాయకంగా ఉంటే ఎలా అని తిట్టి వాళ్ళప్లేస్ లో కూర్చుని రిజల్ట్స్ కోసం వెయిట్ చేస్తున్నారు. అందరు వచ్చాక ఇంటర్వ్యూ కోఆర్డినేటర్ ఇంటర్వ్యూ లో సెలెక్ట్ అయిన వాళ్ళని ఉండమని మిగతా వాళ్ళని పంపించేశాడు. మిగిలిన వాళ్ళకి తరువాత రౌండ్ జరిగింది. సాయంత్రానికి అందరిని వారం రోజుల్లో మెయిల్ చేస్తాము అని పంపించేసారు. అఖిల్, దివ్య కోసం చూసి కనిపించపొయెసరికి నిరాశగా కళ్యాణ్ కి ఫోన్ చేసాడు. కళ్యాణ్, 10 నిమిషాలలో వస్తాను వెయిట్ చెయ్యి అని ఫోన్ పెట్టేసాడు. అక్కడ దగ్గరలో టీ కొట్లో టీ తాగుతూ కళ్యాణ్ కోసం వెయిట్ చేస్తున్నాడు అఖిల్. 15 నిమిషాల తరువాత కళ్యాణ్ వచ్చాడు. వాడి బైక్ ఎక్కుతూ అఖిల్ మామ ఇవాళ ఒక పోరిని చూసాను అదే పొద్దున్న అడ్రస్ చెప్పిందే ఆ పోరి కిర్రాకు ఉంది. కానీ కొంచెం బలుపు, అసలు మాట్లడదే. కళ్యాణ్ ఆశ్చర్యంగా ఏంటి నీతో మాట్లాడలేదా అయితే కష్టం వదిలెయ్యి ఇంతకి ఇంటర్వ్యూ ఏమి అయ్యింది అన్నాడు? మెయిల్ చేస్తాము అన్నారురా , సరే ఒక మంచి మాల్ కి పద అన్నాడు. సరే అని దగ్గరలో ఉన్న మాల్ కి తీసుకెళ్ళాడు కళ్యాణ్. రాత్రి 9 వరకు అక్కడే తిరిగి ఒక హోటల్ లో బొంచేసి ఇంటికి చేరేసరికి 11 అయ్యింది. అఖిల్ పడుకునే ముందు అభికి ఫోన్ చేసాడు.
అభి: ఎలా ఉన్నావు ? ఎప్పుడు చేరావు? ఇంటర్వ్యూ ఎలా చేసావు ?
అఖిల్ : పొద్దున్న 6 అయ్యింది అన్నయ్యా ఇక్కడికి వచ్చేసరికి. ఇంటర్వ్యూ బాగా చేశాను జాబు వచ్చేయోచ్చు
అభి: మరి ఎప్పుడొస్తున్నావు ఇక్కడికి
అఖిల్: లేదు అన్నయ్య కొన్నాళ్ళు ఇక్కడే ఉండి ట్రై చేస్తాను
అభి: శ్యాం అంకుల్ కి చెప్పనా
అఖిల్: వద్దు నా సొంతగా నేనే జాబు కొట్టాలి. బొంచేసావా?
అభి: నీ ఫోన్ కోసమే వెయిటింగ్
అఖిల్: ఏంటి అన్నయ్య 12 అవుతుంది బొంచేయకపోతే ఎలా
అభి: గౌతం వస్తాను అన్నాడు వచ్చాక తింటాను
అఖిల్: సరే నిద్రొస్తుంది పడుకుంటాను
అభి: సరే జాగ్రత్త అని పెట్టేశాడు.
వారం తరువాత అదే కంపెనీ లో జాయిన్ అవ్వటానికి వెళ్ళాడు అఖిల్. రిసెప్షన్లో ఆఫర్ లెటర్ చూపించాడు. రిసెప్షనిస్ట్ నవ్వి న్యూ జాయినీ? ఫస్ట్ ఫ్లోర్ లో HR డిపార్టుమెంటు ఉంటుంది అక్కడకి వెళ్ళండి అంది. థాంక్స్ అని నవ్వి ఫస్ట్ ఫ్లోర్ కి వెళ్ళాడు. అక్కడ ఒకతను న్యూ జాయినీ? అయితే ఆ రూం లోకి వెళ్లి వెయిట్ చెయ్యండి అన్నాడు. అక్కడ అప్పటికే 20 మంది కూర్చుని వెయిట్ చేస్తున్నారు. రూంలోకి ఇతను వెళ్ళగానే సుహాసిని ఇతన్ని గుర్తుపట్టి హాయ్ అఖిల్ ఇక్కడ అంది. పక్కన దివ్య కూడా తలెత్తి మొహమాటానికి నవ్వి కంగ్రాట్స్ అంది. అతను వచ్చి వాళ్ళ పక్కన కూర్చుంటూ వావ్ గ్రేట్ ఎంత అదృష్టం నాది మల్లి మిమ్మల్ని చూస్తాను అనుకోలేదు అన్నాడు దివ్య వంక చూస్తూ. దివ్య చిరాకుగా తల పక్కకి తిప్పుకుని కూర్చుంది. అతను దివ్యానే చూస్తూ కూర్చున్నాడు. సుహాసిని ఏంటో చెప్పుకుపోతుంది అతను ఏమి వినటం లేదు. కాసేపటికి HR టీం వచ్చి వాళ్ళ చేత ఫార్మాలిటీస్ పూర్తి చేయించి వాళ్ళ ప్రాజెక్ట్ మేనేజర్ కి ఇంట్రడ్యూస్ చేసారు. అతను హాయ్ నా పేరు శ్రీను మీకు 3 మంత్స్ ట్రైనింగ్ ఉంటుంది ఆ తరువాత exam ఉంటుంది అందులో మార్క్స్ బట్టి మీకు ప్రాజెక్ట్స్ ఇస్తాము. సో మీ ట్రైనింగ్ రేపటినుంచి స్టార్ట్ అవుతుంది విష్ యు అల్ ది బెస్ట్ గయ్స్ అని వెళ్ళిపోయాడు. అందరు వాళ్ళలో వాళ్ళు ఇంట్రడ్యూస్ చేసుకోవటం స్టార్ట్ చేశారు. దివ్య మాత్రం ఒక్కటే కామ్ గ ఒక పక్కన కూర్చుంది. అఖిల్ దివ్యనే చూస్తూ కూర్చున్నాడు. అప్పుడే కొంతమంది గ్రూప్స్ ఫార్మ్ చేసి సినిమాకి ప్లాన్ చేసుకున్నారు. లంచ్ అవ్వగానే సినిమాకి వెళ్ళేవాళ్ళు సినిమాకి వేరే ప్రోగ్రాం ఫిక్స్ చేసుకున్న వాళ్ళు ఆ ప్రోగ్రాం కి వెళ్ళిపోయారు. దివ్య ఒకటే హాస్టల్ కి వెళ్ళింది. నెక్స్ట్ డే నుంచి ట్రైనింగ్ స్టార్ట్ అయ్యింది. ప్రతి వారం ఏదొక ప్రోగ్రాం ఫిక్స్ చేయటం ఎంజాయ్ చేయటం జరుగుతుంది. ఒక్క దివ్య మాత్రం ఎవరితోనూ కలవకుండా ఒంటరిగా ఉంటుంది. మొదట్లో కొన్ని రోజులు దివ్య కోసం అఖిల్ ట్రై చేసాడు కానీ ఆమె నుంచి ఏమి రెస్పాన్స్ లేకపోయేసరికి విసుకొచ్చి అతను వదిలేసాడు. ట్రైనింగ్ అయిన తరువాత అఖిల్, దివ్య ఒకే ప్రాజెక్ట్లో పడ్డారు. వాళ్ళ టీం ఇంట్రడక్షన్ అయిన తరువాత ప్లేసెస్ చూపించారు ఇద్దరు ఒకే బేలో పడ్డారు. వాళ్ళ సిస్టమ్స్ దగ్గరకి వెళ్ళాక చూసారా దేవుడు మనిద్దరిని కలపటానికే ఒకే ప్రాజెక్ట్ లో వేసాడు ఇప్పటికైనా మీ బెట్టు తగ్గించుకొని నాతో ఫ్రెండ్షిప్ చేసుకోండి అని నవ్వాడు. దివ్య షట్ అప్ అని సిస్టం వైపు తిరిగింది.
ప్రస్తుతం
ఏదో కుట్టటంతో అఖిల్ కి మెలుకువ వచ్చింది. లేచి చూద్దాము అనుకుని లేవబోయాడు అతని శరీరం సహకరించిటం లేదు. ఒళ్ళంతా నొప్పులు కాలు విపరీతంగా నొప్పి పుడుతుంది. నెమ్మదిగా చుట్టూ చూసాడు అంత చీకటిగా ఉంది. నెమ్మదిగా జరిగింది గుర్తుచేసుకోవటానికి ట్రై చేసాడు తలంతా విపరీతమైన నొప్పి. గొంతు దాహంతో పిడచకట్టుకుపోయింది. అన్నయ్య అని అరిచాడు. తన గొంతు తనకే వినిపించలేదు. అన్నయ్య ఎక్కడ ఉన్నావు అన్నయ్యా తొందరగా రా అన్నయ్య చచ్చిపోతున్నాను కాపాడు ప్లీజ్ అంటూ ఏడవటం స్టార్ట్ చేసాడు. రెండు నిమిషాల తరువాత అతను స్పృహ కోల్పోయాడు.
అభి, గౌతమ్ కి ఫోన్ చేసి తనకొచ్చిన ఫోన్ గురించి చెప్పాడు.
గౌతం: నేను 10 మినిట్స్ లో వస్తున్నాను అని ఫోన్ పెట్టేసి అభి దగ్గరకి బయలుదేరాడు
10 నిమిషాల తరువాత గౌతం, రహీమ్ హోటల్ కి వచ్చారు అభి జరిగింది వాళ్ళకి చెప్పాడు. గౌతం శ్యామలరావు కి ఫోన్ చేసాడు
శ్యామలరావు : గౌతం నేనే నీకు ఫోన్ చేద్దాము అనుకుంటున్నాను. చిన్నా నెంబర్ ఇచ్చావు కదా చివరగా ఆ నెంబర్ నుంచి సిగ్నల్స్ హైదరాబాద్ నుంచే వచ్చాయి అంటే చిన్నా హైదరాబాద్ వచ్చాడు.
గౌతం: హైదరాబాదా? అనవసరంగా ఇక్కడకి వచ్చి టైం వేస్ట్ చేసామా. సరే ఇంకో విషయం అని అభి కి వచ్చిన కాల్ సంగతి చెప్పాడు
శ్యామలరావు : సరే ఆ నెంబర్ ఇవ్వండి
గౌతం అభిని నెంబర్ అడిగాడు. అభి ఫోన్ లో చూసి unknown నెంబర్ అన్నాడు
గౌతం: శ్యాంజీ అది unknown నెంబర్ అంటా ఎనీవే థాంక్స్ మేము ఇప్పుడే హైదరాబాద్ బయలుదేరుతాము. అలానే మీరు పంపించిన SI ని పంపించి చిన్నా కళ్యాణ్ ఫ్లాట్ కి తీసుకెళ్ళే అమ్మాయి ఎవరో కనుక్కోండి. నేను హైదరాబాద్ కి వెళ్ళాక మీకు ఫోన్ చేస్తాను అని ఫోన్ పెట్టేసి అభి వైపు తిరిగి శ్యామలరావు చెప్పింది చెప్పాడు. అభి, గౌతమ్, రహీమ్ ముగ్గురు హైదరాబాద్ బయలుదేరారు